Seinasti bíðilistin

Seinasti bíðilistin                 

Í hesum døgum fyrireikar Snarskivan seg til at býta út vøggu- og barnagarðsplássini, sum verða tøk í summar, tá ið ein árgangur fer í skúla. Hetta er umfatandi uppgáva, sum krevur nógv samskifti við foreldur og stovnsleiðarar í fleiri vikur.

Í mong ár hevur upptøkan á stovn verið avgreitt eftir eini bíðilistaskipan, har barnið fremst á listanum fær boðið pláss fyrst, men gongur sum ætlað, verður hetta seinastu ferðin, at skipanin við bíðilista er í brúk.

KT-deildin, Barna- og ungdómsdeildin og Snarskivan arbeiða við at seta í verk eina nýggja bíleggingarskipan, ið skal koma í staðin fyri bíðilistan. Skipanin skal gera tað gjørligt hjá foreldrum at bíleggja sær eitt ávíst stovnspláss á torshavn.fo, so skjótt sum barnið er borið í heim og hevur fingið p-tal.

Fyrimunirnir fyri foreldrini eru eyðsýndir við tað, at tey vita, hvar og nær barnið skal á stovn, tá ið tey hava bílagt pláss. Fyrisitingarliga verða eisini stórir fyrimunir. T.d. fer ein slík bíleggingarskipan at hava við sær betri forsøgnir um plásstørv, og tískil fær kommunan eisini betri skotbrá at tillaga tænastuna sambært tørvinum.

Barnaansingarskipanin verður boðin út í næstum

Námsfrøðingar til Landavegin

NÁMSFRØÐINGAR TIL DAGSTOVNIN VIÐ LANDAVEGIN

Tórshavnar kommuna søkir vegna Dagstovnin við Landavegin eftir Námsfrøðingum at byrja 15. mars 2017.

Ert tú fakliga væl fyri, ágrýtin, skapandi og vilt tú virka fyri einum góðum gerandisdegi til børnini? So hava vit arbeiði til tín.

Dagstovnurin við Landavegin søkir eftir tveimum námsfrøðingum at arbeiða ávíkavist 20 og 25 tímar um vikuna. Um eingin námsfrøðingur søkir, kann hjálparfólk setast í tíðaravmarkað starv.

Vit arbeiða útfrá endamálsorðing og námsfrøðiligari námsætlan fyri Dagstovnin við Landavegin.

VIT SÓKNAST EFTIR:
• 
einum námsfrøðing á 25 tímar í barnagarðsstovu 

einum námsfrøðing á 20 tímar í vøggustovu

VIT VÆNTA
• 

Tú megnar at virka í góðum samstarvi við foreldur,
børn og starvsfelagar 


Tú hevur hug at skapa ein fjølbroyttan og tryggan
gerandisdag fyri einstaka barnið 

Tú er við til at menna námsfrøðiliga arbeiðið á stovninum 

Tú tekur ábyrgd og hevur yvirlit 

Tú flytur teg við nýggjari vitan á námsfrøðiliga økinum 

Tú er sjálvstøðug/-ur og kann taka avgerðir 

Telduførleikar til tekstviðger og myndir 

Megnar fjølbroytt arbeiðsøki innan á stovninum 


Kann arbeiða eftur starvsfólkaprofilinum fyri námsfrøðingar
á Dagstovninum við Landavegin – (sí heimasíðu)

Tú vil arbeiða við rørslu sum námsfrøðiligt amboð

VIT BJÓÐA
• 
Heimsins mest umráðandi arbeiðið 

Eitt áhugavert starv við nógvum avbjóðingum 


Eitt starv har tú fær møguleika at seta tín dám á gerandisdagin
har leisturin er Námsætlanini

Eitt starv har eingin dagur er eins

SETANARVIÐURSKIFTI
Løn sambært sáttmála millum Føroya Pedagogfelag og Kommunala Arbeiðsgevarafelagið.

MEIRA FÆST AT VITA
Meira fæst at vita um størvini við at venda sær til Steinbjørn V. Olsen, stovnsleiðara, telefon 222380. Somuleiðis er meira kunning um stovnin á heimasíðuni: www.landavegur.fo.

UMSÓKN
Umsókn saman við lívsrensli og prógv sum námsfrøðingur verður at senda til This email address is being protected from spambots. You need JavaScript enabled to view it.
">This email address is being protected from spambots. You need JavaScript enabled to view it. ella við posti til Tórshavnar kommunu, Vaglið, postboks 32, 110 Tórshavn.

Umsóknarfreistin er 22. februar 2017.

Breyðborð

Vit hava breyð borð hósdagin 26. januar og Døgurða Fríggjadagin 27.januar

Samband

Dagstovnurin við Landavegin

Landavegur 84, 100 Tórshavn

Fartelefon: +298 222380

Stovurnar

Dreymsóljan: 250819

Tjarnarsóljan: 250779

Gullsóljan: 250798

Snjósóljan250704

Sóljuflog: 302330